ამა წლის 20 დეკემბერს ჩატარდა, სამეგრელო - ზემო სვანეთის რეგიონის ფეხბურთის ფედერაციის რიგითი საანგარიშო ყრილობა ქალაქი ზუგდიდი, გამსახურდიას 35 სასტუმრო ,,გრანდის’’ საკონფერენციო დარბაზში. აღნიშნულ ყრილობაზე მონაწილეობის მისაღერბად მოწვეული იყო სრფფ-ს სუბიექტები, ს.ს.იპ ,,საქართველოს იუსტიციის სამინისტროს საჯარო რეესტრის ეროვნულ სააგენტოში’’ რეგისტრირებული წესდების სრული დაცვით სრფფ-ს ყრილობის ჩატარების თარიღის, ადგილის, დღის წესრიგისა და სხვა სხვა წესდებით გათვალისწინებული საკითხების შესახებ ეცნობა წინასწარ, წერილობით, სრულყოფილად და ვადების დაცვით.
ყრილობას ესწრებოდა ფორუმისთვის საჭირო წევრთა რაოდენობა. კერძოდ 21 წევრის მიერ ყრილობაზე მოვლენილი იქნა ხმის უფლების მქონე 21 დელეგატი და შესაბამისად ყრილობა წესდების 22.1 მუხლის თანახმად გადაწყვეტილება უნარიანი იყო.
დღის წესრიგი:
1. ყრილობის შემადგენლობის დამტკიცება.
2. საპროცედურო რეგლამენტის დამტკიცება.
3. ხმის დამთვლელი კომისიის დამტკიცება.
4. პრეზიდენტის მოხსენება.
5.წინა ყრილობის ოქმის დამტკიცება.
6. სრფფ-ს 2022 წლის ფინანსური ანგარიში.
7. სრფფ-ს 2023 ბიუჯეტის დამტკიცება.
8. სრფფ-ს წევრად ს/კლუბების სკოლების მიღება.
9. სრფფ-ს წესდების ახალი რედაქციით დამტკიცება.
10. სხვა და სხვა.
- ყრილობას თავმჯდფომარეობდა სრფფ-ს პრეზიდენტი ბატონი სერგო კვარაცხელია, რომელმაც მიმოიხილა ყრილობიდან ყრილობამდე განვლილი პერიოდი, მადლობა გადაუხადა საქართველოს ფეხბურთის ფედერაციას, ქართული ფეხბურთის განვითარების ფონდს და რეგიონის მუნიციპალიტეტის ხელმძღვასნელობას მასზედ, რომ მათი ერთერთი პრიორიტეტია, რეგიონში საფეხბურთო ინფრასტრუქტურის განვითარება. საანგარიშო პერიოდში არაერთი პროექტი განხორციელდა, კერძოდ ზუგდუიდში,მარტვილში, ფოთში და წალენჯიხაში,. ასევე დაგეგმილია აბაშის, ჭხოროწყუს ,ხობისა და სენაკის ბავშვთა საფრეხბურთო სკოლების ინფრასტრუქტურის რეაბილიტაცია. მომხსენებელი ასევე შეეხო ჭაბუკთა გათამაშებებს, მოყვარულთა ფებურთს, ქალთა და გოგონათა ფეხბურთის საკითხს.
- ყრილობის დადგენილებით სრფფ-ს პრეზიდენტის მოხსენება მიღებული იქნა ცნობად.
- დამტკიცდა ყრილობის შემადგენლობა.
- ყრილობის ოქმის შესამოწმებლად დამტკიცდნენ: მზია ნანავა, თედო ჯგერენაია და ალიკა მესხი.
- ყრილობის დამკვირვებლად დამტკიცდნენ: შოთა ფარცვანია, ელგუჯა სონგულია და ფრიდონ გოცირიძე.
- დამტკიცდა წინა ყრილობიდან აღნიშნულ ყრილობამდე სრფფ-ს აღმასკომის და ადმინისტრაციის მიერ გაწეული ანგარიში.
- დამტკიცდა წინა ყრილობის ოქმი.
- დამტკიცდა 2022 წლის ფინანსური ანგარიში.
- დამტკიცდა 2023 წლის დაგეგმიული ბიუჯეტი.
- დამტკიცდა საფეხბურთო კლუბ ,,დინამო’’ ზუგდიდის (ს/კ 220370738) და საფეხბურთო კლუბ ,,კოლხა’’ ხობის (ს/კ 444554386) სრფფ-ს წევრად მიღება.
- დამტკიცდა სრფფ-ს დამოუკიდებელ აუდიტად ,,სტანდარტ აუდიტი’’.
მიმდინარე წლის 1 დეკემბერს დაიწყო და 10 დეკემბერს დასრულდა ნოდარ (ცურუ) კბარაცხელიას ხსოვნისადმი მიძღვნილი ტურნირი ფეხბურეთში, სადაც მონაწილეობას ღებულობდა რეგიონიოს რვა საფეხბურთო კლუბის (სკოლების) 2009 წელს დაბადებულ ჭაბუკ ფეხბურთელთა გუნდები
ტურნირის გამარჯვებული გახდა - ფოთის ფეხბურთის სკოლის ჭაბუკ ფეხბურთელთა გუნდი
II ადგილი დაიკავა - საფეხბურთო კლუბი ბაია ზუგდიდი ჭაბუკ ფეხბურთელთა გუნდმა
III ადგილი დაიკავა - აკადემია დინამო ბათუმის ჭაბუკ ფეხბურთელთა გუნდმა
რომლებიც დაჯილდოვდნენ შესაბამისი თასებით,მედლებითა და დიპლომებით
ნომინაციებში გამოვლინდნენ საუკეთესო ფეხბურთელები:
ტურნირის საუკეთესო მეკარე - ხორგუანი ლევანი - ფოთის ფეხბურთის სკოლა
ტურნირის საუკეთესო ფეხბურთელი - ლევან საჯაია - ფოთის საფეხბურთო სკოლა
საუკეთესო მცველი - ანდრია ლიპარტია - ს/კ ბაია ზუგდიდი
საუკეთესო ნახევარმცველი - ბექა ბარამიძე - დინამო ბათუმი
საუკეთესო თავდამსხმელი - ანდრია გვასალია - ფოთის ფეხბურთის სკოლა
მიმდინარე წლის 3 ნოემბერს დაიწყო და 15 ნოემბერს დასრულდა დავით კანკიას ხსოვნისადმი მიძღვნილი ტურნირი ფეხბურეთში, სადაც მონაწილეობას ღებულობდა რეგიონიოს რვა საფეხბურთო კლუბის (სკოლების) 2010 წელს დაბადებულ ჭაბუკ ფეხბურთელთა გუნდები
ტურნირის გამარჯვებული გახდა - ოდიში 1919 ზუგდიდის ჭაბუკ ფეხბურთელთა გუნდი
II ადგილი დაიკავა - აკადემია მარტვილის ჭაბუკ ფეხბურთელთა გუნდმა
III ადგილი დაიკავა - კოლხეთი ხობის ჭაბუკ ფეხბურთელთა გუნდმა
ნომინაციებში გამოვლინდნენ საუკეთესო ფეხბურთელები:
ტურნირის საუკეთესო მეკარე - თამაზოღლი ლევანი - ოდიში 1919 ზუგდიდი
ტურნირის საუკეთესო ფეხბურთელი - ჭაჭუა დავითი - ოდიში 1919 ზუგდიდი
საუკეთესო მცველი - რურუა ცოტნე - აკადემია მარტვილი
საუკეთესო ნახევარმცველი - შვანგირაძე გაგა - აკადემია მარტვილი
საუკეთესო თავდამსხმელი - ბერულავა რეზიკო - კოლხეთი ხობი
საუკეთესო მწვრთნელი - ხარებავა გურამი - ოდიში 1919 ზუგდიდი
თემურ ქეცბაია: "ვფიქრობ, საქართველოსთან ქულების აღებას ვიმსახურებდით"
კვიპროსისა და შოტლანდიის ეროვნული ნაკრებების დაპირისპირებამდე, თემურ ქეცბაიამ პრესკონფერენცია გამართა.
აღსანიშნავია, რომ ქართველმა სპეციალისტმა საქართველოსთან ჩატარებული შეხვედრაც გაიხსენა, სადაც მისმა გუნდმა 1:2 წააგო.
"საკუთარ კედლებში ყოველთვის უკეთესად ვთამაშობთ და იმედია, ჩემი ფეხბურთელები ისე იასპარეზებენ, როგორც ეს საქართველოსთან გააკეთეს.
"ვფიქრობ, საქართველოსთან ქულების აღებას ვიმსახურებდით, მაგრამ სამწუხაროდ დავმარცხდით.
"შოტლანდიასთან შეხვედრაზე ყველა ბილეთი გაყიდულია და ყოველთვის სასიამოვნოა, როცა სავსე ტრიბუნების წინაშე თამაშობ", - თქვა ქეცბაიამ.
"ძალიან ცუდ ფორმაშია და ეს კარგად ჩანს" - იტალიური მედია ხვიჩა აკრიტიკებს
როგორც მოგეხსენებათ, უკვე ძალიან დიდი ხანია, რაც ხვიჩა კვარაცხელიას სერია ა-ში უგოლო სერია აქვს.
ქართველმა ვინგერმა ბოლოს იტალიის ჩემპიონატში გოლი 19 მარტს, "ტორინოს" წინააღმდეგ გაიტანა.
მას შემდეგ უკვე თითქმის 6 თვე გავიდა, რაც სერია ა-ში ქართული გოლი არ გვინახავს.
ამ საკითხს ცნობილი იტალიური გამოცემა "Gazzetta dello Sport"-იც გამოეხმაურა.
"თუ კვარა გენუაშიც ვერ გაიტანს, მისი მშრალი სერია 6 თვემდე გახანგრძლივდება.
"რუდი გარსიამ წინა სეზონის MVP უნდა გამოაცოცხლოს და ძველი ფორმა დაუბრუნოს.
"ხვიჩა ცუდ ფორმაშია და ეს მის უგოლო სერიასთან ერთადაც კარგად ჩანს.
"სერია A-ს ახალი სეზონის სასტარტო მატჩებისთვის გამოჩნდა, რომ მისი ფიზიკური მდგომარეობა ოპტიმალური არ იყო და ამის გამო მწვრთნელმა მისი სრულებით დატვირთვისგან თავი შეიკავა", - წერს გამოცემა.
"ხვიჩა "ნაპოლიში" ძალიან ბედნიერია ანაზღაურებითაც კმაყოფილია" - ხვიჩა კვარაცხელიას მამის ინტერვიუ იტალიურ გამოცემასთან
მოგეხსენებათ ვრცელდება ინფომრაციები, რომლის მიხედვითაც ხვიჩა კვარაცხელიას "ნაპოლის" დატოვებას უწინასწარმეტყველებენ.
ამასთან დაკავშირებით ფეხბურთელის მამამ, ბადრი კვარაცხელიამ იტალიურ გამოცემასთან კომენტარი გააკეთა:
"ვიმეორებ, ხვიჩა "ნაპოლიში" ძალიან ბედნიერია, ანაზღაურებითაც კმაყოფილია, ჩემი ოჯახიც ძალიან ბედნიერია, რომ ის "ნაპოლიში" თამაშობს. მინდა კლუბის ხელმძღვანელობას და პირადად აურელიო დე ლაურენტისს დიდი მადლობა გადავუხადო, რომ ხვიჩა სერია A-ში ასპარეზობს"
"ნეაპოლში ყველა თბილად გვექცევა, ამ ქალაქში თავს ისე ვგრძნობთ, როგორც თბილისში. მინდა "ნაპოლის" ქომაგებმა იცოდნენ, რომ ხვიჩა არსად წასვლას არ აპირებს, ის ძალიან ბევრს შრომობს და 30 საუკეთესო ფეხბურთელს შორის ყოფნას სრულიად იმსახურებს"
"ის, რომ დღეს ამ დონეს მიაღწია, სწორედ "ნაპოლისა" და მისი თანაგუნდელების დამსახურებაა. საქართველოში "რეალს" ბევრი ფანი ჰყავს, თუმცა დარწმუნებული ვარ, როდესაც ჩემპიონთა ლიგაზე "ნაპოლი" და "რეალი" ერთმანეთს დაუპირისპირდებიან, ყველა "პარტენოპეის" უგულშემატკივრებს. რუდი გარსიამ მუშაობა ახლახანს დაიწყო, ამიტომ ჯერ უნდა დაველოდოთ და მასზე შედეგების მიხედვით ვიმსჯელოთ", - განაცხადა ბადრიმ.
"საქართველოსთან განსაკუთრებით მძიმე მატჩი გველის" - როდრის კომენტარი შეხვედრის წინ
როგორც მოგეხსენებათ, დღეს საქართველოს ეროვნული ნაკრები "დინამო არენაზე" ესპანეთს დაუპირისპირდება.
შეხვედრის წინ, "ფურია როხას" საყრდენმა ნახევარმცველმა როდრიმ მედიასთან კომენტარი გააკეთა.
"მიუხედავად იმისა, რომ ქართველებს რაიმე მნიშვნელოვანი მიღწევა არ აქვთ, მათ სერიოზული პროგრესი გვანახეს, რაც ბოლო ხანებში გამოჩნდა.
"რთულ ჯგუფში ვართ, ხოლო საქართველოსთან განსაკუთრებით მძიმე მატჩი გველის. დარწმუნებული ვარ, ერთ-ერთი მთავარი გამოცდა ამ თამაშში გვაქვს.
"ჩვენი ნაკრები გადახალისდა, უამრავი ახალგაზრდა გვყავს, რომლებიც გამოცდილ ფეხბურთელებთან შეთამაშდნენ.
"ამ ნაკრებით სულ ცოტა ხნის წინ ერთა ლიგა მოვიგეთ და გვინდა, რომ წარმატება გაგრძელდეს", - თქვა ესპანელმა.
სანდრო კალანდაძე: “ეროვნულ ნაკრებში გამოძახება მნიშველოვანი იყო”
როგორც მოგეხსენებათ, საქართველოს ნაკრები ევროპის ჩემპიონატის საკვალიფიკაციო ეტაპის ფარგლებში ესპანეთს დაუპირისპირდება.
შეხვედრის წინ საქართველოს ნაკრების დებიუტანტმა, სანდრო კალანდაძემ მედიასთან ისაუბრა:
“ეროვნულ ნაკრებში გამოძახება მნიშვნელოვანი იყო. ამაზე ყველა ფეხბურთელი ოცნებობს. გუნდში ძალიან კარგი გარემო დამხვდა, ყველა კარგად შემხვდა. რამდენიმე ფეხბურთელთან ერთად ადრეც მითამაშია, მათ შორის 21-წლამდე ევროპის ჩემპიონატზე. შეკრების პირველივე დღიდან იგრძნობა ის პასუხისმგებლობა, რაც მოახლოებულ თამაშებს ახლავს. მინდა იმედები გავამართლო, თუ ამის შესაძლებლობა მომეცემა”. - განაცხადა კალანდაძემ.
ცნობისთვის, საქართველოსა და ესპანეთის დაპირისპირება 20:00 საათზე დინამო არენაზე შედგება.
გიორგი ქოჩორაშვილი: “ვიცი, რომ ეროვნულ ნაკრებში მოხვედრა დიდი პასუხისმგებლობაა”
როგორც მოგეხსენებათ, საქართველოს ნაკრები 8 სექტემბერს შინ ესპანეთის ნაკრებს მიიღებს.
მატჩის წინ საქართველოს ნაკრების დებიუტანტმა, გიორგი ქოჩორაშვილმა კომენტარი გააკეთა:
“რა თქმა უნდა, ძალიან გახარებული ვარ ნაკრებში გამოძახებით. ვიცი, რამდენად დიდი პასუხისმგებლობაა ეროვნულ გუნდში მოხვედრა. ძალიან კარგი გარემოა, ფეხბურთელების დიდ ნაწილს აქამდეც ვიცნობდი. ერთად ადრეც გვითამაშია და სწორედ ამიტომ, ადაპტაცია არ გამჭირვებია.
ვიმედოვნებ, რომ უმნიშვნელოვანეს მატჩებს, რომლებიც სექტემბერში გველის, კარგად ჩავატარებთ. დიდი იმედი მაქვს, ამ თამაშებისგან სიამოვნებას მივიღებთ ჩვენც და გულშემატკივრებიც. მზად ვარ და ჩემთვის გამოყოფილ დროში 100 პროცენტით დავიხარჯო, რათა დავეხმარო გუნდს სასურველი შედეგის მიღწევაში”. - განაცხადა ქოჩორაშვილმა.
ცნობისთვის, მატჩი 20:00 საათზე დინამო არენაზე შედგება.
სამეგრელო - ზემო სვანეთის რეგიონის ფეხბურთის ფედერაცია ულოცავს ხვიჩას დამსახურებულ ტიტულს, ასევე ულოცავს მის ოჯახს და ნაპოლის ყველა გულშემატკივარს.
იტალიის სერია ა-ს 33-ე ტურის შეხვედრაში “ნაპოლი” “უდინეზეს” ესტუმრა. შეხვედრა ფრედ, 1:1 დასრულდა და შედეგად, “პარტენოპეიმ” ჩემპიონობა გაინაღდა.
ცხადია, ყველა ქართველი გულშემატკივარი ხვიჩა კვარაცხელიას წარმატებით ბედნიერია.
საქართველოს ნაკრებისა და “ბორდოს” შუახაზელმა, ზურიკო დავითაშვილმა მის მეგობარს ჩემპიონობა სოციალური ქსელის მეშვეობით მიულოცა:
“გილოცავ ჩემპიონო! ძალიან ამაყი და ბედნიერი ვარ” - წერს დავითაშვილი.
ცნობისთვის, ხვიჩა კვარაცხელიამ სერია ა-ში მიმდინარე სეზონში ჩატარებულ 29 შეხვედრაში 12 გოლი გაიტანა და 10 საგოლე გადაცემა შეასრულა.
საგამოცდო მოდულში მონაწილეობა მიიღეს საქართველოს 21-წლამდე ნაკრების მთავარმა მწვრთნელმა რამაზ სვანაძემ, ეროვნული ნაკრების მთავარი მწვრთნელის ასისტენტმა ზურაბ ხიზანიშვილმა და საქართველოს 18-წლამდე ნაკრების მთავარმა მწვრთნელმა ლაშა ფირცხალაიშვილმა. თეორიული და პრაქტიკული სესიის წარმატებით ჩატარების შემდეგ, მათ უეფას PRO ლიცენზია მიენიჭათ.
მწვრთნელების PRO ლიცენზიები სფფ-ის ვიცე-პრეზიდენტმა ალექსანდრე იაშვილმა, ტექნიკურმა დირექტორმა ზაზა ზამთარაძემ და მწვრთნელთა განათლების ხელმძღვანელმა ვასილ მაისურაძემ გადასცეს.
შეგახსენებთ, რომ კურსზე სწავლება როგორც პრაქტიკულ, ისე თეორიულ სამუშაოებს მოიცავდა და 2 წლის განმავლობაში მიმდინარეობდა. Pro ლიცენზია მწვრთნელთა განათლების უმაღლესი საფეხურია და უეფა-ს მწვრთნელთა განათლების კონვენციასთან შესაბამისობაშია.
როგორც მოგეხსენებათ, ზამთრის სატრანსფერო ფანჯარაზე დონეცკის "შახტარმა" თბილისის "საბურთალოდან" 1.5 მილიონი ევროს სანაცვლოდ გიორგი გოჩოლეიშვილი დაიმატა.
UA-Футбол-მა გიორგის საკმაოდ საინტერესო სტატია მიუძღვნა:
"მეორე ტურია, რაც შახტარის ქართველ ახალწვეულს ვადევნებთ თვალს. გიორგი მეტალისტთან აქტიური იყო და კარის გოლის გატანის რამდენიმე შესაძლებლობა ჰქონდა. ერთ ეპიზოდში მისი დარტყმული ძელს მოხვდა. როგორც ჩანს, ეფიმ კონოპლია ძირითადში ადგილს დაკარგავს, თუ გოჩოლეიშვილი ასე თამაშს განაგრძობს." - წერია სტატიაში.
ცნობისთვის, გიორგიმ დონეცკის "შახტარის" მაისურით ჩატარებულ საწყის 4 შეხვედრაში 1 გოლი გაიტანა.
როგორც მოგეხსენებათ, კვიპროსის ჩემპიონთა რა 62 ქულით "აპოელი" ლიდერობს.
ამ გუნდში 3 ქართველი ლეგიონერი, გიორგი ქვილითაია, ბუბა დაუშვილი და ლაშა დვალი ასპარეზობენ.
კვიპროსულმა მედიამ გიორგი ქვილითაიას საკმაოდ საინტერესო სტატია მიუძღვნა:
"კვიპროსის ჩემპიონატში ნათამაშებ სადებიუტო სეზონში გიორგი ქვილითაიამ "ანორთოსისში" ჩატარებულ 31 შეხვედრაში 14 გოლი გაიტანა. გასულ წელს "აპოელში" თამაშისას ბომბარდირმა 23 შეხვედრაში 10 გოლის გატანა მოახერხა. ქართველის დაზიანება საჩემპიონო ბრძოლაში ერთ-ერთი მთავარი მიზეზი იყო იმისა, რომ "აპოელმა" ჩემპიონობა ვერ მოიპოვა. წელს ფორვარდის ანგარიშზე შიდა ჩემპიონატში ჩატარებულ 23 შეხვედრაში 6 გოლია, თასზე კი მას 3 გოლი აქვს გატანილი. ცხადია, მისი გაკრიტიკება არ შეიძლება.
გიორგიმ ორი გოლი იანვარში თასზე "არისთან" გაიტანა (4:2), ახლა კი დუბლი კონკურენტ აეკ-თან დერბიშიც შეასრულა. ამ მოვლენებმა "აპოელის" ქომაგებს უფრო მეტი იმედი მისცა. ნიქოზიაში კარგად ხვდებიან, რომ თუ გამოცდილი შემტევი გოლების გატანას გააგრძელებს და ორნიშნა რიცხვს გადასცდება, მშობლიური გუნდის ჩემპიონის შანსი გაიზრდება." - წერია სტატიაში.
ცნობისთვის, გიორგი ქვილითაია უკვე მეორე სეზონია, რაც "აპოელის" ღირსებას იცავს.
მეგობრები
